Մամուլի հաղորդագրություն
ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 15.01.2021
ԵՎՐՈՊԱԿԱՆ ԱՍՏՂԱԳԻՏԱԿԱՆ ԸՆԿԵՐՈՒԹՅԱՆ ԱՄԵՆԱՄՅԱ ԽՈՐՀՐԴԱԿՑՈՒԹՅՈՒՆԸ
Երեկ՝ հունվարի 14-ին, տեղի ունեցավ Եվրոպական աստղագիտական ընկերության (ԵԱԸ, EAS) գործադիր խորհրդի և անդամ աստղագիտական ընկերությունների ղեկավարների ամենամյա խորհրդակցությունը, այս անգամ՝ առցանց։
Խորհրդակցությունը վարեց ԵԱԸ նախագահ Ռոջեր Դեյվիսը։ Խորհրդակցությանը մասնակցեցին 29 անդամ ընկերությունները, այդ թվում Հայկական աստղագիտական ընկերությունը (ՀԱԸ, ArAS)։ Հարկ է նշել, որ ՀԱԸ-ն 2001թ-ից՝ իր ստեղծման տարվանից, հանդիսանում է ԵԱԸ անդամ։
Խորհրդակցության ընթացքում քննարկվեց ԵԱԸ-ի քաղաքականությունը, ներկայացվեցին աստղագիտական ընկերությունների տարեկան հաշվետվությունները, և քննարկվեցին ընկերությունների միջև համագործակցությունները։ ՀԱԸ գործող նախագահ, ԲԱ տնօրեն Արեգ Միքայելյանը զեկուցեց տարվա գործունեության ամփոփումը՝ փաստելով ընկերության ակտիվության մասին։
Նշենք, որ ԵԱԸ հիմնադրվել է 1990թ-ին և զբաղվում է աստղագիտության տարածմամբ և զարգացմամբ Եվրոպայի ողջ տարածքում։ ԵԱԸ անցկացնում է տարեկան համագումարներ, սահմանել է մի շարք մրցանակներ, թողարկում է տեղեկագրեր։ ԵԱԸ համացանցային կայքէջն է https://eas.unige.ch/index.jsp։
Մելինե Ասրյան
