Մամուլի հաղորդագրություն

ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 18.09.2020

ԱՅՍՕՐ ՏԵՂԻ ՈՒՆԵՑԱՎ ԱՆԳԼԵՐԵՆԻ ԴԱՍԸՆԹԱՑԻ ՀԱՎԱՍՏԱԳՐԵՐԻ ՀԱՆՁՆՈՒՄԸ

Այսօր տեղի ունեցավ Բյուրականի աստղադիտարանի վարչական անձնակազմի համար կազմակերպված անգլերենի 6-ամսյա դասընթացի հավաստագրերի հանձնումը։

Դասընթացը նախաձեռնել էր Բյուրականի աստղադիտարանի տնօրինությունը, և նպատակն ուներ զարգացնել վարչական անձնակազմի անգլերենի հիմնային գիտելիքները և շփման համար անհրաժեշտ հմտությունները։

Դասընթացը վարել են Բյուրականի աստղադիտարանի դրամաշնորհային ծրագրերի և համագործակցության պատասխանատու Դիանա Արզումանյանը, մամուլի քարտուղար Մելինե Ասրյանը և հանրային կապերի բաժնի ղեկավար Սոնա Ֆարմանյանը։

Շնորհավորում ենք դասընթացի բոլոր մասնակիցներին։

Մելինե Ասրյան