Մամուլի հաղորդագրություն

ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 12.08.2019

Օգոստոսի 12-ը հայ ականավոր աստղաֆիզիկոս, տեսական աստղաֆիզիկայի խորհրդային դպրոցի հիմնադիր Վիկտոր Համբարձումյանի հիշատակի օրն է: Այսօր հարգանքի տուրք մատուցելու համար ՀՀ ԳԱԱ Վ. Համբարձումյանի անվան Բյուրականի աստղադիտարանի աշխատակիցներն այցելեցին Համբարձումյանի շիրիմ:

Վ. Համբարձումյանը ծնվել է 1908թ. սեպտեմբերի 18-ին: Զբաղվելով ակտիվ գիտական գործունեությամբ և լինելով բազում աշխատությունների հեղինակ՝ նա մեծ է ավանդ ունի Հայաստանի գիտության զարգացման գործում:

Իր լայնածավալ գիտական, գիտակազմակերպական, վարչական, մանկավարժական և խմբագրական գործունեության ընթացքում Համբարձումյանը հասել է բազում նվաճումների։ Նա եղել է ՀՍՍՀ ԳԱ նախագահ (1947-1993թթ.), ՀՍՍՀ ԳԱ Բյուրականի աստղադիտարանի հիմնադիր և տնօրեն (1946-1988թթ.), ՀՍՍՀ «Գիտելիք» ընկերության վարչության նախագահ (1947թ.-ից), Հայկական սովետական հանրագիտարանի առաջին գլխավոր խմբագիր և խմբագրական կոլեգիայի նախագահ, 1948–1955թթ. եղել Է Միջազգային աստղագիտական միության (ՄԱՄ) փոխնախագահ, 1961–1964թթ.՝ ՄԱՄ նախագահ, իսկ 1968–1972թթ.՝ գիտական ընկերությունների միջազգային խորհրդի նախագահ և այլն:

Մելինե Ասրյան